Молитва бессребреникам и чудотворцам Косме и Дамиану

   К вам, святии бессребреницы и чудотворцы Космо и Дамиане, яко к скорым помощником теплым молитвенником о спасении нашем, мы, недостойнии, преклоньше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих.чудотворцы Косма и Дамиан Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа нескудную благодать исцелений, ради твердыя веры, безмезднаго врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным правителем России знание, благоденствие, спасение, на враги же победу и одоление и благословение Божие. Паки припадающе прилежно молим, испросите нам от Господа вся благополезная, яже в животе нашем времением, наипаче же ко спасению вечному служащая, да сподобимся молитвами вашими улучите кончину христианскую, безболезненну, непостыдну, мирну, и да избавимся от козней диаволских и вечныя муки; безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление всегда, ныне и присно и во веки веков. Аминь.

Читайте похожие записи:

Комментирование запрещено