Благодарственная молитва целителю Пантелеймону

   Святой великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном,Пантелеймон еже есть всемилостивый, — яко, прияв от Бога благодать молитися за ны и болезни целити, ты богатно подаеши всем, к тебе притекающим, различныя исцеления и вся к жизни временней и к спасению потребная: сего ради и мы недостойнии, сподобившееся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усерднее благодарим тя и подателя всех благ Господа Бога нашего о великих благодеяниях, от Него тобою нам бывших.

   Приимо убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоей помощи и молитвеннаго ходатайства у Господа Бога нашего. Ему же подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Читайте похожие записи:

Комментирование запрещено